For Our Robbie Burns fans:

A RED RED ROSE

O, my luv's like a red, red rose,
That's newly sprung in June,
O, my luve's like the melodie,
That's sweetly play'd in tune.

As fair art thou, my bonie lass,
So deep in luve am I,
And I will luve thee still, my Dear,
Till a' the seas gang dry, my Dear,
Till a' the seas gang dry.

Till a' the seas gang dry, my Dear,
And the rocks melt wi' the sun!
O I will luve thee still, my Dear,
While the sands o'life shall run.

And fare thee weel, my only Luve,
And fare thee weel a while!
And I will come again, my Luve,
Tho' it were ten thousand mile!

Robert Burns (Jan. 25, 1759 - July 21, 1796)
Poems and Songs of Robert Burns, Collins, 1955.